Həkim bildirib ki, sinənin orta nahiyəsi, çiyinlər və qollara vuran ağrı, təzyiq hissi, daha öncə yaşanmamış narahatlıq, qarışqa yerimə hissi - infarktın əlamətləri ola bilər. Bu, bəzən ağrı, bəzən çırpıntı şəklində ola bilər. Lakin əsl təhlükə bu vəziyyətin səssiz və əlamətsiz irəliləməsidir. Heç bir əlamət vermədən ölümə belə gətirib çıxara bilər.

 

Aparılan tədqiqatların nəticəsi olaraq kəskin ürək tutmalarının az qala yarısının (45%-i) sakit və ya hiss edilməyən "Sakit infarkt" (SMİ) olaraq meydana gəldiyi məlum olmuşdur.

 

"Sakit infarktın əlamətləri o qədər zəif və qısamüddətli ola bilir ki, onu adi diskomfort və ya daha az təhlükəli digər problemlə qarışıq salırlar. Bu səbəbdən mütəmadi olaraq ürək müayinələrindən keçmək lazımdır", - deyə həkim əlavə edib.