İmmuniteti gücləndirən OTLAR
10.09.2021 23:04

Güclü immun sistemi insanı istənilən virus və mikrobdan müdafiə edə bilir. Lakin bunun üçün immuniteti daim yüksək səviyyədə saxlamaq lazımdır.

 

Sağlam qidalanma, yaxşı yuxu, fiziki aktivlik, stresə davamlılıq – immuniteti yüksək səviyyədə saxlamağa yardım edən əsas amillərdir.

 

Xalq təbabətində də immun sistemini gücləndirmək üçün müxtəlif vasitələr mövcuddur.
 

İmmuniteti stimullaşdıran otlar:

 

1. Exinaseya bitkisi immun sisteminin hüceyrələri olan faqositlərin aktivliyini artırır. Faqositlər orqanizmə düşən mikrob və digər yad hissəcikləri “udur” və zərərsizləşdirir. Exinaseya stafilokokk, streptokokk, qripp və herpesə qarşı təsirlidir.

 

2. Çəhrayı rodiola təbii immunostimulyatordur, orqanizmi soyuqdəymə xəstəliklərinə qarşı daha davamlı edir. Yüksək təzyiqdən əziyyət çəkənlər bu bitkidən istifadə etməməlidir – rodiola təzyiqi qaldırır.

 

3. Qoz yarpaqları orqanizmi yaxşı tonuslaşdırır, möhkəmləndirir, iltihabları azaldır.

 

4. Reyhan da immun sistemini möhkəmləndirmək xüsusiyyətinə malikdir.

 

5. Aloe orqanizmə yaxşı stimullaşdırıcı təsir edir, maddələr mübadiləsini sürətləndirir, orqanizmə antibakterial və iltihab əleyhinə təsir edir.

 

Bu otları dəmləmələr şəklində istifadə etmək olar. Həmçinin apteklərdə exinaseya, rodiola, aloe əsasında çoxlu sayda preparatlar – həblər, tinkturalar və s. satılır.