Böyrək daşının zərər vermədiyi hallarda xəstələrə bol maye və hərəkət etmələri məsləhət görülür. Maye və hərəkət daşın düşməsini asanlaşdırır. Bu zaman ərzində bəzi dərmanlar da qəbul edilə bilər.

Aztibb.az xəbər verir ki, bu barədə həkim-nefroloq Barat Yusubov məlumat verib. 

Onun sözlərinə görə, böyrək daşı düşdüyü zaman bunun ağrısız keçməsi imkansızdır: "Böyrəkdən sidik süzülmürsə və ya daş sidiklə düşməyəcək qədər böyükdürsə deməli başqa müdaxilələr ilə daş çıxarılmalıdır".

Həkim əlavə edib ki, pasientdə qeyd olunan problemlər (daş ölçüsünün böyüklüyü və s.) olmazsa belə, ağrı çəkmək və daşın düşməsini gözləmək istəmirsə, həkim müayinəsi əsasında göstərişə görə daşın çıxarılmasına tibbi müdaxilə edilə bilər.