Hifema gözün ön kamerasına qansızma ilə xarakterizə olunan patoloji vəziyyətdir. Onun klinik əlamətlərinə göz önündə "duman" və ya "örtüyün" olması, görmə itiliyinin azalması, fotofobiya aiddir.

Aztibb.az xəbər verir ki, bu barədə N.Tusi adına Klinikadan məlumat verilib. 

Hifemanın diaqnostikası gözün ön kamerasına baxış, biomikroskopiya, qonioskopiya, vizometriya, tonometriya, B rejimli ultrasəs skanlamaya əsaslanır. Xəstəliyin mərhələsindən asılı olaraq, kortikosteroidlər və midriatiklərlə kombinə olunmuş konservativ müalicə göstəriş sayılır.

Cərrahi müdaxilə ön kameranın yuyulmasından və trabekulektomiyadan ibarətdir.