Bəli, son zamanlar onurğada protruziyalar, yırtıqlar, miyofasial ağrı sindromları, uşaqlarda skolioz, kifoz və müxtəlif qamət problemləri ilə bağlı müraciətlər artıb. Səbəblər isə daha çox insanların həyat tərzi və gündəlik vərdişlərlə bağlıdır. Müasir dövrdə texnoloji tərəqqi zamanında insanlar oturaq rejimdə, hipodinamik şəraitdə, müxtəlif qadjetlərin istifadəsi ilə çox vaxt keçirirlər. Orta statistik insan (20 yaşdan yuxarı) gündə təxminən 9 saat oturaq vəziyyətdə, qapalı məkanlarda olur.

İnsan onurğası mürəkkəb bir strukturdur. Onurğa həm fiziki təsirə məruz qalır, həm də müxtəlif istiqamətlərdə hərəkəti təmin edir. Buna görə də onurğa strukturlarının stabil olması çox vacibdir. Oturanda onurğanın bel hissəsinə düşən yük 11 dəfə artır. Artıq çəki varsa, yüklənmə daha çox olur. Belə vəziyyət davamlı olursa, təbii ki, nəticədə müxtəlif problemlər ortaya çıxır. Əzələlər zəifləyir, onurğa strukturları stabilliyini itirir, protruziyalar və yırtıqların yaranmasına daha meylli olur.

 

 

Fizioterapiya vasitəsilə bədənin bərpa gücünü artırmaq, həmçinin prosedurlar nəticəsində yerli təsir əldə etmək olur. Belə ki, dərmansız, əlavə təsir olmadan müalicə effekti almaq olur. Fizioterapiyada yüzlərlə prosedurlar və metodikalar var. Bunlar hər bir pasiyent üçün fərdi olaraq seçilir. Bəzi insanlar fizioterapiyanı “şüa verən” müalicə kimi təsəvvür edirlər. Bu səhv anlayışdır. Fizioterapiyada sağlamlıq üçün təhlükəli ola biləcək şüalar istifadə olunmur. Daha dəqiq desək, fizioterapiya təkcə aparatlarla müalicə deyil. Müalicəvi idman fiziki terapiyanın önəmli hissəsidir. Əzələ zəifliyi, qamət problemləri, skolioz, kifoz zamanı, travma, xəstəlik və əməliyyatdan sonra bərpa kursunda mütləq xüsusi idman proqramı tətbiq olunur.

 

 

Fizioterapiya əməliyyat tələb edilməyən ortopedik xəstəliklərdə – artrozlarda, oynaq və əzələ xəstəliklərində, travmadan sonra reabilitasiya dövründə, nevroloji reabilitasiya (insultdan sonra) zamanı, tənəffüs yolları, ginekologiya xəstəliklərində, hətta bariatrik cərrahiyyədən sonra da istifadə olunur. Bir sözlə demək olar ki, bütün sahələrdə fizioterapevtik müalicədən istifadə olunur.

 

 

Hamı sağlam və aktiv olmaq istəyir. Bədən, əzələ, oynaq, onurğa sağlamlığında gündəlik vərdişlərin, həyat tərzinin böyük rolu var. Hər gün idmanla məşğul olmaq üçün vaxt tapmağa çalışmaq lazımdır. Sadə idman hərəkətləri, gərmələr, boyun və bel üçün hərəkətlər çox faydalıdır. Başlayın və faydasını görəcəksiniz. Sizin üçün faydalı idman hərəkətlərini Mərkəzi Gömrük Hospitalının internet səhifəsində “Düz qamət – sağlam həyat” rubrikasında yerləşdirmişik. Sağlamlıqla bağlı tövsiyələri rubrikada tapa bilərsiniz.