Türkiyənin bir sıra universitetlərinin alimləri dünyanı təşvişə salan koronavirusun (COVID-19) təsirlərini araşdırıb.
Aztibb.az mediamagazin.com.tr-yə istinadən xəbər verir ki, alimlər epidemiya zamanı tibbi, sosial və iqtisadi dəyişikliklərlə bağlı apardıqları tədqiqatların nəticələrini COVID-19 Beynəlxalq Multidissiplinar Simpoziumunda təqdim ediblər.
Sakarya Universitetinin təşkilatçılığı ilə keçirilən onlayn simpoziumda 33 mütəxəssisin məruzəsi dinlənilib.
Beynəlxalq tədbirdə COVID-19 pandemiyası dövründə Türkiyədə yaranan ailədaxili problemlər, həkimlərin təxminən yarısının ayrı evə çıxması, tələbələrin 72,9 faizinin ixtisas olaraq həkimliyi seçməsi, eləcə də koronavirus xəstələrinin dad və qoxu hiss etmələrindəki dəyişikliklər və digər mövzularda müzakirələr aparılıb.
