Çaytikanı bitkisindən insanlar əsrlər boyu müalicə məqsədilə istifadə ediblər. Onun həm daxilə qəbulu mükmündür, həm də dəri və saçlara faydası böyükdür. Çaytikanı yara sağaltmaq, hüceyrələri yeniləndirmək qabiliyyətinə malikdir. Onun yağı mədə yarasını sağaldır, dəridə olan yanıqların sağalmasını sürətləndirir.

Çaytikanı meyvəsinin şirəsi mədə-bağırsaq ağrılarında, ateresklerozda, angina xəstəliklərində ağrıkəsici təsirə malikdir. Çaytikanı yağının tərkibində çoxlu bioloji aktiv maddələr - tokoferol, təbii turşular, fosfolipidlər, fitosterollar, vitaminlər, faydalı minerallar və amin turşular var. Bundan başqa, çaytikanının tərkibi yağ turşuları, A, E, C vitaminləri ilə zəngindir.

Aztibb.az xəbər verir ki, çaytikanı yağı bir çox xəstəliklərin müalicəsində istifadə edilir:

- frunkulların, sızanaqların müalicəsi;
- mədə-bağırsaq yaralarının müalicəsi;
- dəridə çatlar;
- dəridəki iltihabi proseslər;
- zülal mübadiləsi;
- qara ciyərin piylənməsi.

Çaytikanı yağı orqanizmdən ağır metal duzlarını xaric edir, zərərverici mikrobları öldürür, qaraciyərin fəaliyyətini yaxşılaşdırır. Xərçəng xəstəliyinin müalicəsində istifadə olunan şüa terapiyasından sonra 2-3 həftə gündə bir-neçə qaşıq çaytikanı yağı qəbul etmək şüanın mənfi təsirlərinin orqanizmdən xaric olunmasına yardımçı olur.

Çaytikanı yağı kosmetalogiya sahəsində də ən çox istifadə olunan yağlardan biridir. Onu saçlara sürtdükdə canlandırır, parlaqlıq verir, başın dərisinə sürtdükdə isə dəridə olan göbələk xəstəliyini aradan qaldırır. Çaytikanı yağı kəpək əleyhinə ən effektiv dərman vasitəsidir. O, saçları uzadır, saç dibini möhkəmləndirir, dəridəki qıcıqlanmanı aradan qaldırır.