"Biz pandemiya dövründə tədrisin təşkili ilə bağlı müzakirələr zamanı asan və rahat olan yox, ən az riskli model haqqında düşünməliyik". 

Aztibb.az-ın verdiyi məlumata görə, bunu Təhsil naziri Emin Əmrullayev brifinq zamanı deyib. O, bildirib ki, dünyada 134 ölkədə təhsillə bağlı qərar verilib, 63 ölkə məktəbləri açıb, 55 ölkə məktəbin açılacağı tarixi açıqlayıb.

E.Əmrullayevin sözlərinə görə, Azərbaycanda növbəti tədris ilində təhsil müəssisələrinin fəaliyyəti bərpa edilməlidir. 

Nazir qeyd edib ki, bütün təhsil müəssisələrində tədris sentyabrın 15-də bərpa edilir: "Bununla yanaşı, növbəti mərhələdə epidemioloji vəziyyət nəzərə alınacaq".