ABŞ-da tibbi cihazlar istehsal edən bir şirkət, koronavirusla (COVID-19) bağlı qan müayinəsinin nəticəsini 15 dəqiqəyə verən sürətli antigen testi üçün marketinq icazəsi alıb.

Aztibb.az medimagazin.com.tr-yə istinadən xəbər verir ki, ABŞ-ın Qida Məhsulları və Dərman Preparatlarının Keyfiyyətinə Sanitar Nəzarət İdarəsi (FDA) sürətli COVID-19 antigen testinin istehsalını təsdiqlədiyini açıqlayıb.

15 dəqiqə ərzində nəticəsi bilinən və kredit kartı ölçüsündə olan test dəstinin 5 dollara satılacağı bildirilib. Qeyd olunub ki, oktyabr ayına qədər təxminən 50 milyon test istehsal ediləcək.

Test edənlər məktəblərə və ya iş yerlərinə daxil olarkən nəticələrini telefonlara quraşdırılan tətbiqetmə proqramı vasitəsilə göstərə biləcəklər.