Cərrah-onkoloq İvan Karasev insanın yaşının onkoloji xəstəliklərin inkişaf sürətinə təsiri barədə danışıb.

Aztibb.az ria.ru-ya istinadla xəbər verir ki, onkoloq geniş yayılmış fikirlə razılaşır ki, yaşlılara nisbətən cavan insanlarda xərçəng daha sürətli inkişaf edir. Bu, orqanizmdə mübadilə proseslərinin sürətli olması ilə bağlıdır. Bundan başqa, yüksək hormonal status fonunda hormonlara qarşı həssas olan şişlər daha sürətli artır.

İ.Karasev buna hamiləlik fonunda gənc qadınlarda yumurtalıqların və ya süd vəzi xərçənginin bir neçə ay ərzində inkişaf etməsini nümunə gətirib. O, həmçinin xatırladıb ki, istənilən hormonal pozuntu və nasazlıqlar xəstəlik yaranmasına gətirib çıxara bilər. Həkimin sözlərinə görə, xərçəngin irsən keçən növü ümumi sayın 5-7 faizini təşkil edir.

Mütəxəssis xərçəngin erkən formalarının simptomu olmadığından insanları vaxtlı-vaxtında müayinələrdən keçməyə çağırıb.