Aztibb.az tibbi mənbələrə istinadla xəbər verir ki, bu kistalar zaman keçdikcə həm kiçilə, həm də böyüyə bilir. Qadınlarda daha çox rast gəlinir və xüsusən 30-40 yaşlardan sonra müşahidə edilir.

 

Qanqlionlar əasən davamlı klaviatura istifadə edənlərdə, yazıçılarda, musiqiçilərdə, hörgü ustalarında və müəyyən travmalardan sonra üzə çıxır. 

 

Bu şişlər xoşxassəli kistalardır. Onlar nə başqa orqana yayılır, nə də artır. Kistaların ölçülərinin dəyişməsi, öz-özünə yox olması da mümkündür. Bu kistalar ağrılı, yaxud ağrısız ola bilər. Diaqnoz kistanın yerinə və ölçüsünə görə qoyulur. Sərt, yaxud yumşaq olan kistalar noxud böyüklüyündə, bəzən ondan da böyük olur. Əllə təzyiq olunduğunda şiddətli ağrı verir. Zamanla öz-özünə yox olanları ilə yanaşı, daimi qalıb ağrı verənləri də mövcuddur. 

 

Bu kistaların yaranma səbəbləri hələ də tam olaraq aydın deyil. Kiçik yaşlı uşaqlarda da bəzən bu hal müşahidə olunur. Qanqlion kistalarının sonradan xərçəng şişlərinə çevrilməsi qətiyyən mümkün deyil.