Həkim-diyetoloq Andrey Bobrovski  rasionda tez-tez ət bulyonları və şorbaların olmasının sağlamlığa mənfi təsirlərindən danışıb.

Aztibb.az medikforum.ru-ya istinadən xəbər verir ki, Andrey Bobrovski qeyd edib ki, mal-qaranın, həmçinin quşların böyüməsi üçün hormonlar və antibiotiklər fəal istifadə olunur. Bu, onlarda çəkinin artımını aktivləşdirmək üçün tətbiq olunur.

Həkim-diyetoloq hesab edir ki, belə toyuqdan və ya mal ətindən hazırlanmış supların tez-tez istifadəsi sağlamlıq üçün zərərlidir.

A.Bobrovski bildirib ki, ət bulyonlarını "ikinci və ya üçüncü qaynatmadan sonra" istifadə etmək zərərli maddələri qəbul etmək riskini aşağı salır.

Həmçinin A.Bobrovski xəbərdarlıq edib ki, çox piyli ət bulyonları orqanizmə ziyan vura bilər: "Yağlı və piyli şorbalara və souslara meyl etmək ciddi xəstəliklərin inkişafına səbəb olur".

Həkimin sözlərinə görə, ateroskleroz, işemik xəstəlik, infarkt və insult doymuş yağ turşularının daimi istifadəsi ilə bağlıdır.