Aztibb.az xəbər verir ki, tanınmış həkim-reanimatoloq Şahin Məmmədov bu barədə məlumat paylaşıb.

 

Həkimin sözlərinə görə, KT ondan ötrüdür ki, həyati təhlükəli nəsə var, başqa xəstəliklərə də oxşayır və bu müayinə olmadan həkim heç cür diaqnoz qoya bilmir, beləliklə, məcburən KT-yə göndərir.

Lakin test pozitivdirsə, temperatur varsa, diaqnoz aydındır. Ağciyərdə buzlaşmanın olub-olmadığını bilmək istəyirsinizsə, bəli, buzlaşma artıq mövcuddur. Çox az faiz olsa da, bütün temperaturlu xəstələrdə var. Cünki COVID-19 aşağı tənəffüs yollarının infeksiyasıdır. Ağciyərdə problem var ki temperatur var.

 

Hər kəs bilməlidir ki, 50%-ə qədər buzlu şüşə mənzərəsi olan xəstələr yüngül sayılır. Bundan yuxarı rəqəm də olsa, narahat olmağa dəyməz, çünki buzlu şüşə görüntüsü olan sahələr qazlar mübadiləsində iştirak edir və faizə görə müalicədə heç bir düzəliş, əlavələr aparılmır.