Terapevt Arina Jeqalina soyuqdəymə xəstəlikləri və qrip mövsümündən əvvəl immuniteti möhkəmləndirməyin yollarından danışıb.

Aztibb.az medikforum.ru-ya istinadla xəbər verir ki, həkim hər şeydən əvvəl, yuxu rejiminə və istirahətə riayət etmənin əhəmiyyətinə diqqət çəkib. Onun sözlərinə görə, sağlam yuxunun və immunitetin keyfiyyəti arasında düz asılılıq mövcuddur.

"İnsan xroniki olaraq yatmırsa bu, immuniteti pisləşdirir və insanlar müxtəlif xəstəliklərə qarşı həssas olurlar", - deyə mütəxəssis bildirib.

Ekspert, həmçinin sağlam vərdişlər arasında müntəzəm idmanla məşğul olmağı və qidalanmanı tənzimləməyi məsləhət görüb. Belə ki, gündəlik rasionda ən az 400 q tərəvəz və meyvələrdən istifadə olunmalıdır, mülayim fiziki hərəkətlər isə gün ərzindən iki-üç saat təşkil etməlidir.

Arina Jeqalina xəbərdarlıq edib ki, həddindən artıq üşüməyə imkan verməmək də əhəmiyyətlidir.

"Əgər insanda, məsələn, D vitamini və ya dəmirin səviyyəsi azalıbsa bu zaman immunitet əziyyət çəkir. Bu halda vitaminlərin çatışmazlığını aradan qaldırmaq və uyğun preparatları qəbul etmək lazımdır", - həkim vurğulayıb.