Aztibb.az xəbər verir ki, Namiq Novruzov məqalədə canlıdan qaraciyər köçürülməsi zamanı donorlarda izlənə biləcək funksional pozuntuların proqnozlaşdırılmasında histonların rolu barədə ətraflı məlumat verib. Qeyd edək ki, təqdim edilən elmi iş bu sahədə dünyada ilk araşdırma olduğu üçün böyük maraq doğurur. Məqalənin yazılmasında iştirak edən müəlliflərin qənaətinə görə canlı donorlarda qaraciyər funksional pozuntularının öncədən müəyyən edilməsində histonlar praktik əhəmiyyət daşıyır.

 

Qeyd etmək lazımdır ki, "Elsevier" nəhəng elmi nəşriyyat evlərindən sayılır və hər il dünyada nəşr olunan bütün jurnalların məqalələrinin dörddə bir hissəsini çap edir. 1880-ci ildə Niderlandın paytaxtı Amsterdam şəhərində əsası qoyulan bu nəşriyyatın Böyük Britaniyada, ABŞ-da, Braziliyada və digər ölkələrdə filialları fəaliyyət göstərir.

 

Mərkəzi Gömrük Hospitalının əməkdaşının apardığı araşdırma dünya elmi dairələrində maraqla qarşılanmışdır. Spesifik mövzu olan qaraciyər transplantasiyası və geniş publikanı maraqlandıra biləcək donor nəticələri kimi aktual mövzunu əhatə edən məqalənin tam mətnini jurnalın elektron səhifəsindən izləmək olar.