O, söyləyib ki, valideynləri hələ dünyaya göz açmadan uşağın böyrəyində ciddi problem olduğunu biliblər. Doğulduqdan sonra böyrəyindəki genişlənmə getdikcə daha da artdığı üçün bizə müraciət ediblər:

 

"Aparılan müayinələr nəticəsində məlum olub ki, sidiyin axmasına mane olub böyrəkdə genişlənmə yaradan səbəb böyrək ləyəninin sidik axarına keçən yerində olan daralmadır (üreteropelvik darlıq).

 

Belə vəziyyətdə qalması böyrəyin işləmə funksiyasını getdikcə aşağı sala bilərdi. Bu səbəbdən məcburən körpənin böyrəyini qorumaq üçün cərrahi əməliyyat qərarını verdik.

 

Əməliyyatla böyrək ləyəninin sidik axarına keçən yerindəki dar hissə çıxarılaraq sidik axarı böyrək ləyəninə tikildi (pyeloplastika). Əməliyyat uğurlu keçdi, nəticədə sidiyin rahat axması təmin edildi. Körpə 2 gün sonra böyrəyini itirmək qorxusunu geridə qoyaraq tam sağlam evlərinə yola salındı".