Alma sirkəsi arıqlamaqdan qanda şəkərin səviyyəsinin sabitləşməsinə qədər bir çox sağlamlıq probleminin həllində kömək edə bilər.

Aztibb.az medikforum.ru saytına istinadən xəbər verir ki, diyetoloq Karl Conston alma sirkəsinin sağlamlıq üçün faydalarından danışıb.

Qanda şəkərin səviyyəsini nizamlamağa kömək edir

Tədqiqatlar göstərir ki, alma sirkəsi insulinə həssaslığı yaxşılaşdırır və nişastalı yeməklərin istifadəsindən sonra qanda şəkərin artmasının qarşısını alır.

Diyetoloq bildirib ki, prediabetli insanlarda alma sirkəsinin effekti çox yüksəkdir.

"Əgər siz hazırda qanda şəkərin səviyyənin düşməsi üçün dərmanlar qəbul edirsinizsə, rasiona alma sirkəsi əlavə etməzdən əvvəl, öz həkiminizlə məsləhətləşin, çünki o, dərmanlarla qarşılıqlı təsir edə bilər" - deyə ekspert bildirib. 

Həzmi yaxşılaşdırır

Alma sirkəsi həzm sisteminin fasiləsiz işini təmin edən bağırsaqlar üçün bir çox faydalı bakteriyaları özündə saxlayır. Sirkə mədədə turşuluğu neytrallaşdıra bilər, bu isə turşu reflüksü və ya mədə qıcqırmasının qarşısını ala bilər.

Qidalandırıcı maddələrlə zəngindir

Alma sirkəsi bütovlükdə sağlamlıq üçün zəruri olan qidalandırıcı maddələrlə zəngindir:

Maqnezium - qan təzyiqini aşağı salır;

Dəmir - yorğunluq hissini azaldır;

Fosfor - sümükləri möhkəmləndirir;

Amin turşuları - zülal toplamağa kömək edir;

Antioksidantlar - hüceyrələrin zədələnməsinin qarşısını alır.

Bundan başqa, bir xörək qaşığı alma sirkəsində cəmi üç kalori var.