Aparılan araşdırmaya görə, ömür boyu kifayət qədər su istehlakı ürək çatışmazlığı riskini azalda bilər.

Aztibb.az xəbər verir ki, Avropa Kardiologiya Cəmiyyətinin 2021-ci ildəki konqresində təqdim edilən tədqiqata görə, ömrü boyu kifayət qədər su istehlakı bədənin susuz qalmasının qarşısını alır və bu da ürək çatışmazlığı riskini azaldır.

Araşdırmada kifayət qədər su istehlakının ürək çatışmazlığına səbəb olan dəyişikliklərin qarşısını ala biləcəyi və ya ən azından yavaşladacağı qeyd olunub.

Belə ki, qadınlara gündə 1,6 ilə 2,1 litr su içmək tövsiyə edilsə də, kişilər üçün gündəlik su istehlakı 2 ilə 3 litr arasındadır.

Qeyd edək ki, qlobal miqyasda aparılan araşdırmalar bir çox insanın gündəlik tələb olunan su istehlakının minimum həddinə belə çatmadığını göstərir.