Aztibb.az xəbər verir ki, həkim-pediatr Aytən İsmayılzadə hər kəsə məlum olan "qripə qarşı " dərmanların istifadəsinə dair maarifləndirici məlumat paylaşıb.

 

Həkim qeyd edib ki, bütün bu sıradan olan dərmanların tərkibinə əsas maddə olaraq parsetamol daxildir. Bu sıradan olan bir paketin üzərini oxusanız, "parasetamol" sözünü dərhal görərsiniz. Yəni parasetamol üzərinə daha bir parasetamol qəbul etmək qaraciyər üçün əlavə yükdür. Parasetamol hərarəti salır, həm də baş və bədən ağrılarını azaldır. Əgər hərarətiniz yoxdursa, deməli qrip deyilsiz və bu cur qripə qarşı vasitəyə ehtiyacınız yoxdur. Bu preparatlar tərkibində ikinci maddə bir antihistamindir. Məsələn, dimedrol kimi. Onun tərkibində maddə adı belə yazılır: difenhidramin hidroxlorid. Onu da əsas işi zökəm, qrip zamanı, quru öskurək, burun axma, göz yaşarmaya müəyyən dərəcə yüngülləşdirici təsir etməkdir.

 

Üçüncü təsiredici maddə isə damardaraldıcı maddədir, adı feniramin olaraq yazılır. Onun da işi yaşarma, sulanma, şişkilnik kimi proseslərə ləngidici təsir etməkdir:

 

"Butun bunların müqabilində insan yüngülləşir, özünü yaxşı hiss edir. Amma bu, müalicə deyil. Qrip virus səbəbi ilə yaranır. Onun mualicəsi virusu öldürməklə şərtlənə bilər. Buna isə dəyməz. Çünki az qala hər gün bir virus çıxır. Ən yaxşı müalicə elə immunitetin öz etdiyi mualicədir. Qripə qarşı vasitələrdən uşaqlar üçün istifadəni məsləhət görmürəm. Çunki istər uşaq, istər böyük adam xəstə vaxtı ona görə halsız olur ki, əlavə enerji sərf edilməsin. Olan enerji immunitet tərəfindən virusla mubarizəyə xərclənsin. Lakin xəstə insanı süni şəkildə tez zamanda ayağa qaldırmaq onun enerjisini parçalamaq deməkdir. Bunun da fonunda virus aktivləşib ağırlaşmaya səbəb ola bilər. Ona görə virus infeksiyası zamanı düzgün olan evdə qalmaq, bol maye içmək, özünü yormamaq, bədən, baş ağrısa da bunu izləmək və tez zamanda deyil, ağırlaşmadan sağalmağa çalışmaqdır".