Həkimin sözlərinə görə, mütəmadi olaraq qaçış və ya idmanla məşğul olan insanların bu ağrılı xəsarətlərin qarşısını hər hansı bir şəkildə almağa çalışmaları təəccüblü deyil. Topuqda zədələrin qarşısını tamamilə ala biləcək bir vasitənin, avadanlığın olmadığına baxmayaraq, onu tezliklə aradan qaldırmağın bəzi yolları vardır. Düzgün ayaqqabı seçimi, bandaj və bəzi idman məşğələləri bu işdə köməyinizə çata bilər:

"Hündür idman ayaqqabıları topuğa kömək edir, onu daha stabil saxlayır, amma burxulmalardan nə dərəcədə qoruması məsələsi mütəxəssislər arasında hələ də mübahisə mövzusudur. Bəzi idman növlərində, məsələn, basketbolda hündür idman ayaqqabılarının geyinilməsi fayda verir. Hündür idman ayaqqabıları həmçinin, topuq zədəsi almış insanların sağalmasının bərpa dövründə də kömək edir.

 

Baldırla pəncəni birləşdirən oynağın dartılması üçün bandajlardan istifadə olunur. Hündür idman ayaqqabıları kimi, ideal bandajlar da mövcud deyildir. Lakin intensiv fiziki hərəkətlər zamanı bandaj sizin köməyinizə çata bilər. Bütün hallarda – düzgün ayaqqabı seçəndə də, bandaj alanda da mütləq həkiminizlə məsləhətləşin".

 

O, qeyd edib ki, hündür kedlər topuq ağrılarına kömək edir, amma baldırla pəncəni birləşdirən oynaqların dartınmasının qarşısını almaqda ən yaxşı üsul sizin topuq əzələlərinizin güclü qalmasıdır. Ayaqların burxulmaması üçün dabanın səthindəki əzələlər nə qədər güclü olarsa, burxulma bir o qədər az baş verər.

 

Əgər ayağınız artıq burxulubsa və bu sizə zəiyyət verirsə, ağrının imkan verdiyi qədər bərpa hərəkətlərini davam etdirin. Zədə almış topuğun müalicəsi gələcəkdə təkrar zədələrin alınmasından sizi qoruya bilər.