ABŞ-ın Arizona Universiteti alimləri karbohidratların istehlakı və artıq çəki arasındakı əlaqəni təkzib ediblər.

Aztibb.az xəbər verir ki, bu barədə "Advances in Nutrition" jurnalında məqalə dərc olunub.

Araşdırma müəlliflərinin fikrincə, yüksək qlikemik indeksə malik məhsullar çəkiyə təsir etmir. Belə məhsullardan nümunə kimi ərəb xurması, ağ çörək, düyü və kartof göstərilib.

İki milyona yaxın insan üzərində aparılan tədqiqatlar sübut edib ki, qeyd olunan məhsullarla qidalanan şəxslər artıq çəkiyə meyilli deyillər. Əksinə, yüksək karbohidratlı qidaların düzgün nisbətdə qəbulu sağlam çəkini saxlamağa köməklik edir.