Aztibb.az xəbər verir ki, bu barədə həkim-fitoterapevt Fizuli Hüseynov məlumat verib. 

 

Onun sözlərinə görə, əgər çox tərləmələr başlamışdırsa, gündə 3 dəfə yeməkdən yarım saat əvvəl 1 çay qaşığı adaçayı bitkisini 1 stəkan suda dəmləyib içmək olar. Adaçayı nəinki çox tərləmənin qarşısını alacaq, həm də bu dövrün rahat keçməsinə vəsilə olacaq. Adaçayının həm də əsəb sakitləşdirici bir təsiri də olduğu üçün bu dövrdə baş verə biləcək əsəb sarsıntısının qarşısını almak mümkün olacaq.

 

Əgər adaçayını klimakterik dövrdən əvvəl içməyə başlasanız, onda daha faydalı olacaq, çünki adaçayı pozulmuş qadın hormonlarını balanslaşdırır, klimakterik dövrün tez baş verməsinin qarşısını alır qadın hormonlarının istehsalını artırır.

 

Eyni zamanda adaçayı hamilə qalmaq istəyənlər üçün faydalı bir çaydır. Xatırladım ki, xanımlar uzun müddət üçün adaçayını içə bilsələr də, kişilər bu çaydan yalnız 10-15 gün istifadə edə bilərlər. Kişilərin uzun müddət adaçyından istifadə etmələri onlarda qadın hormonlarının istehsalını artıra bilər.

 

Xatırladım ki, adaçayı 1 ay içildikdən sonra ən azı 15 gün ara verilərək təkrar içilə bilər. Klimaks dövründəki çox tərləmələr həm də kalsium itkisi ilə nəticələnir.

 

Aşağıdakı reseptdən istifadə etməklə həm tərləmənin qarşısı alınacaq, həm də itmiş minerallar qismən bərpa olacaq:

 

3 kq quru ənciri 1 litr rafinə olunmamış zeytun yağına qarışdırıb gündə 3 dəfə yeməkdən 1 saat əvvəl yemək lazımdır.