“Bu yaxınlarda dializ xəstələrinin qidalanma işinin təşkili ilə bağlı təlimat hazırlamışıq”.

Aztibb.az-ın məlumatına görə, bunu TƏBİB-in Qida təminatı və nəzarəti şöbəsinin baş mütəxəssisi Şumarə Qaracayeva “TƏBİB məsləhəti”ndə deyib.

O, bildirib ki, çox yaxında bütün dializ xəstələri və onların yaxınlarına bu təlimatlar paylanılacaq: “Bu, çox vacib nüansdır. Çünki dializdən sonra necə qidalanmaq lazım olduğunu bəzən bilmirlər. Dializdən əvvəl və sonra qidalanma bir-birindən bir qədər fərqlənir”.