Aztibb.az xəbər verir ki, ürək-damar cərahiyyə uzmanı Cabir Gülmalıyevin sözlərinə görə, ağciyərləri qan va oksigenlə təmin edən əsas orqan ürəkdə problem olduğu üçün ağciyərlərdə qaz mübadiləsi prosesi pozulur, tənəffüs səthiləşir, öskürək baş verir.

 

Ürəkdən qaynaqlanan öskürəyi təyin etmək üçün aşağıdakılara diqqət etməli:

 

- Əvvəlcə öskürək tutmaları müəyyən hərəkət və vaxtlarda baş verir: məsələn, uzanılı vəziyyətdə.

- Daha sonra öskürək intensivləşərək, quru olur.

- Ağır ürək çatışmazlığında isə öskürək zamanı qan gələ bilər.

- Öskürək təkcə bəlli yaşlarda deyil, uşaqlarda da ola bilər. Daha çox anadangəlmə ürək qüsurlu uşaqlarda rast gəlinir.

- Ürək öskürəyi quru olur, ağciyərlərdən bəlğəm gəlmir.

- Xəstə dərindan nəfəs ala bilmir. Tez-tez səthi nəfəs alıb

verir.

- Horizontal vəziyyətdə uzanmaq ona çətin olur, yarımoturaq vəziyyətdə özünü normal hiss edir.

- İnfarktdan bir həftə və ya bir neçə gün əvvəl daxildə bir

soyuqluq, titrətmə hiss olunur.

 

Ürək öskürəyi bu patologiyalar zamanı baş verir: kardiomiopatiya, miokardit, perikardit, klapan çatışmazlığı, ürəyin işemik xəstəliyi, damarların sterosklerozu, yüksək təzyiq, aritmiyalar, ürək qüsurları, ağciyər hipertenziya, kardioskleroz.