Sosial şəbəkələrdə Şirvan şəhər sakini, qazi Abasov Elvin Faiq oğluna əlilliyin təyin edilməməsi ilə bağlı videosüjet yayılıb.

Aztibb.az-a Dövlət Tibbi-Sosial Ekspertiza və Reabilitasiya Agentliyindən verilən məlumatda bildirilir ki, hərbi qulluqçu hərbi xidmətdən tərxis olunmadan onun əlilliyinin qiymətləndirilməsi, əlillik təyinatı aparıla bilməz.

Belə ki, E.Abasov hərbi xidmətdən tərxis olunduğu barədə sənədi bu gün, yəni 18 avqust 2021-ci il tarixində Dövlət Tibbi-Sosial Ekspertiza və Reabilitasiya Agentliyinə təqdim edib. Beləliklə, elə bu gün də qazinin diaqnozuna (qarın boşluğunun zədələnməsi, onun ağırlaşması və patologiyası) uyğun olaraq 5 il müddətinə 2-ci dərəcə əlillik təyinatı aparılıb.