Təhsil Nazirliyi yanında İctimai Şuranın sədri, təhsil eksperti Şahlar Əsgərov “Qafqazinfo”ya açıqlamasında cəmiyyətdən məktəblərin açılması ilə bağlı çox böyük tələblər gəldiyini deyib.

“Bu haqlı tələbdir, lakin Nazirlər Kabineti yanında Operativ Qərargah da vəziyyətə uyğun ölçü götürür. Əgər yoluxanların sayı bir həftə ərzində azalsa, yəqin ki, məktəblər açılacaq. Əgər bir gün azalıb, o biri gün çoxalarsa, hökumət üçün qərar qəbul etmək çətinləşir”, - deyə ekpert bildirib.  

O, qeyd edib ki, Təhsil Nazirliyi yanında İctimai şuranın bütün üzvlərinin fikri budur ki, koronavirus dönəmində təhsil davam etdirilməlidir: “Virusun nə qədər davam edəcəyi məlum deyil. Uşaqları təhsildən kənarda saxlamaq olmaz”.