Həkimin sözlərinə görə, çərəzlər vitaminlər və minerallarla zəngindir, tərkibində çox faydalı olan proteinlər vardır. Bir ovuc çərəz tərkibində olan antioksidant, kalsium və maqneziumla insan bədənindəki enerji balansını qoruyur. Çərəzləri, quru meyvələri bütün fəsillərdə qəbul etmək olar, amma yay aylarında bunların miqdarını diqqətdə saxlamaq məsləhətdir. Qoz, fındıq, fıstıq və badam kimi bir çox çərəzlərin tərkibindəki vitaminlər sümükləri bərkidir, yaddaşı gücləndirir.

 

Çərəzlər faydalı olduğu qədər də, çox istifadə etdikdə insan orqanizminə zərər yetirə bilər. Buna səbəb onların tərkibində olan yağların çox olmasıdır. Həddən artıq qəbul etdikdə insanın çəkisi artır, piylənmə əmələ gəlir. Yay aylarında çərəzləri qovrulmamış yemək məsləhətdir.