Alkoqolun orta miqdarda istehlakı təhlükəsiz, bəzi hallarda isə sağlamlıq üçün faydalı hesab edilir.

Aztibb.az medikforum.ru-ya istinadən xəbər verir ki, tədqiqatların analizi göstərib ki, orta miqdarda pivənin istifadəsi ürək-damar xəstəlikləri riskini aşağı salır.

Lakin alimlər vurğulayırlar ki, bu tövsiyə hamı üçün aktual deyil. 18 yaşına çatmamış şəxslər, hamilələr, kardiomiopatiyalı və ya ürək aritmiyası, həmçinin qaraciyərin və ya mədəaltı vəzinin xəstəlikləri olan insanlar alkoqolun istehlakından çəkinməlidir.

Bu barədə tədqiqat işi "Nutrition Metabolism and Cardiovascular Diseases" jurnalında təqdim edilib.

Orta miqdarda istehlak dedikdə qadınlar üçün gündə bir içki, kişilər üçün isə gündə iki pivə nəzərdə tutulur. Alimlər pivənin belə miqdarda istifadəsi və ürəyin işemik xəstəliyi arasında əhəmiyyətli əks əlaqəyə dair sübutlara diqqət çəkiblər.