Aztibb.az xəbər verir ki, həkim-reanimatoloq Şahin Məmmədov sosial şəbəkədə bu barədə məlumat verib.

 

O, bildirib ki, insanlar xüsusən bahalı, geniş spektrli antibiotikləri həkim məsləhəti olmadan istifadə etməyə meyillidirlər. Sanki psixoloji bir inam var - antibiotik nə qədər bahalıdırsa, bir o qədər də kömək edəcək. Bu, kobud bir səhvdir.

 

Həkimin sözlərinə görə, insanlar bilməlidir ki, qoşulan antibiotik qızdırmanı salmayacaq. Qızdırma yenə qalxacaq. Çünki onu yaradan bakteriya deyil, bir virusdur. Bu halda antibiotik təsir edə bilməz. Xəstə boş yerə həmin dərmanın əlavə mənfi təsirlərinə məruz qalır. Bu təsirlər isə çox ciddidir:

 

"Əgər antibiotik qoşulacaqsa, onun başlanma vaxtı, növü və dozasına həkimlər qərar verməlidir. Mən ilk həftədə heç kimə antibiotik yazmıram. Yüngül keçirənlərə isə ümumiyyətlə antibiotik təyin etmirəm. Orta ağır keçirən, risk qrupunda olan xəstələrə yazıramsa, bu, ilk həftədə baş vermir. Çünki ilk həftədə bakterial superinfeksiyanın əmələgəlmə ehtimalı demək olar ki sıfırdır. Boş yerə qoşacağım antibiotik diareya verə, elektrolit disbalansına görə xəstə ağırlaşa bilər".