İnfarkt ürək əzələsinin bir hissəsinin o nahiyəyə kifayət qədər qan axmamasına görə (əksər hallarda ürək damarının tam tıxanması nəticəsində) ölməsi (qalıcı xəsarətə məruz qalması) nəticəsində meydana gəlir. Aztibb.az xəbər verir ki, aparılan tədqiqatlarda bir sıra faktorların infarkta təkan verdiyi məlum olmuşdur.

Bunlar aşağıdakılardır:

Hədsiz fiziki yorğunluq;

Hirs, qəzəb;

Hava çirklənməsi;

Ağır yağlı yemək;

Kokain və s.

Xalq arasında infarkt dediyimiz xəstəlik əslində tam tibbi adı miokard infarktıdır və bu xəstəlik ürəyi qidalandıran arteriyaların tıxanması nəticəsində ortaya çıxır.

Ürəyi qidalandıran arteriyalar tıxanır və ürəyin qidalanması pozulur, nəticədə də ürək əzələsində xəsarətlər ortaya çıxır.

İnsanlar yaşa dolduqca ürəyin damarlarında, damar divarlarında xolesterin və yağ yığılır. Bu yığılmalar plak deyilən strukturları əmələ gətirir. Bu plaklar damarın özünü daraldır. Bəzən də qopa bilir ki, bu da damarın tamamən tıxanmasına səbəb olur və miokard infarkt ortaya çıxır.