Aztibb.az xəbər verir ki, həkim-fitoterapevt Fizuli Hüseynov bu barədə məlumat paylaşıb.

 

O, qeyd edib ki, aşağıdakı reseptdən həm yaz allergiyası, həm də uzun müddət xroniki allergiyadan əziyyət çəkən insanlar yararlana bilərlər.

 

Belə ki, gündə 3 dəfə yeməkdən 2 saat sonra otaq temperaturunda olan 1 stəkan çiy suya 1 orta xörək qaşığı alma sirkəsi və 1 çay qaşığı bal qarışdırıb içmək faydalıdır. (Bala qarşı allergiyası olanlar bu resepti balsız istifadə edə bilərlər).

 

"Bəzən balın özünün allergiya verə biləcəyi üçün insanlar baldan istifadə etmirlər. Lakin 1 qaşıq bal yedikdən sonra allergiya baş vermirsə, deməli bala qarşı allergiyanız yoxdur. Müalicənin müddəti yoxdur. Nə qədər istərsəniz, istifadə edə bilərsiniz. Sadəcə bu resepti uzun müddət istifadə etməli olsanız, gündə 2 dəfə içməyi tövsiyə edərdim. Müalicədən mədə-bağırsağında problemi olanlar (qastrit, ezofaqit, kolit) istifadə etməməlidirlər", deyə - həkim əlavə edib.