Aztibb.az xəbər verir ki, bu barədə həkim-nefroloq Barat Yusubov sosial şəbəkədə məlumat verib. 

 

Onun sözlərinə görə, transplantasiya keçirmiş bir xəstənin xüsusi qulluğa ehtiyacı olmasa da, immun sisteminə təsir edən dərmanlar qəbul etdiyi üçün karantində (cəmiyyətdən uzaq) olmalıdır. Əməliyyatdan bir həftə sonra karantin qaydaları izah olunaraq xəstə evə buraxıla bilər. Xəstə bir ay boyunca tibbi maska ilə gəzməli, cəmiyyət içinə məcbur olmadıqca çıxmamalıdır. İlk aydan sonra dərmanların dozası düşdükcə, xəstə sosiallaşmağa başlaya bilər.

 

 

Xəstə ilk 3 ay ərzində, həftədə bir, sonra 2 həftədə bir, 6 aydan sonra ayda bir, 1 ildən sonra isə 6 ayda bir dəfə müayinəyə çağrılır. Müayinə tarixləri nefroloqun, nefroloji mərkəzin və xəstənin seçimi və ehtiyacına uyğun təyin olunur. Nefroloq tərəfindən orqan rəddinin vücudda yarada biləcəyi fərqli problemlər təqib edilməli, ehtiyac varsa, dərhal müdaxilə olunmalıdır.