Qobustanda koronavirus pandemiyası təhlükəsi ilə əlaqədar tətbiq olunan karantin rejimi qaydalarına vətəndaşlar tərəfindən əməl olunmasına nəzarət edilməsi məqsədilə növbəti reyd keçirilib.

Rayon icra hakimiyyətindən Aztibb.az-a bildirilib ki, rayon polis şöbəsinin əməkdaşları və ictimai nəzarət komissiyasının üzvləri ictimai iaşə, ticarət obyektlərində və vətəndaşların sıx olduqları küçə və parklarda, habelə bankların qarşısında olublar.

Şəhərin kofe və çayxanalarında, H.Əliyev prospektində, Ş.Şikarov və T.İsmayılov küçələrində keçirilən reyd zamanı karantin qaydalarını pozan vətəndaşlara Nazirlər Kabineti yanında Operativ Qərargahın qəbul etdiyi karantin rejiminin tələbləri bir daha izah olunub, 10-dan çox vətəndaşa xəbərdarlıq edilib, 3 nəfər barəsində inzibati protokol tərtib edilərək, hər biri 100 manat məbləğində cərimələnib.