Miyop məktəb çağlarında meydana çıxır və yeniyetməlik vaxtında daha da artır. Kitab oxuyan zaman miyoplar daha rahat aşkar olunur. Bu problemin aradan qaldırılmasında kənarları qalın, çökük (konkav) linzalardan istifadə edilir.

 

Aztibb.az tibbi mənbələrə istinadla xəbər verir ki, bu linzalar gözə gələn şüaların yayılmasını təmin edərkən görüntünün tor qişada dəqiq bir şəkildə formalaşmasını təmin edirlər. Bu məqsədlə kontakt linzalar da istifadə edilə bilər. Eyni optik xüsusiyyətlərə malik kontakt linzalar da sınma qüsurunu düzəltmək məqsədilə istifadə edilə bilər.

 

Bu göz problemi genetik xarakter daşıyır. Yəni ana və ya atada bu narahatçılıq varsa, uşaqlarda yaranma riski daha yüksəkdir. Şəkər xəstəliyindən əziyyət çəkən insanlarda da miyop yarana bilər.