Həkim-fitoterapevt Fizuli Hüseynov saçlar və baş dərisi üçün faydalı qarışım resepti təqdim edib. 

Aztibb.az həmin qarışımı təqdim edir:

50 qram miqdarında ölmüş bal arılarını qəhvəüyüdəndə üyüdüb 500 qram bal ilə qarışdırın, 15 gün qaranlıq yerdə saxlayın gündə 1 dəfə qarışdırın, sonra istifadə edin.

Həkimin sözlərinə görə, arı ölüsündə həm xitin, həm də arı zəhəri olduğundan saç diblərinə qıcıqlandırıcı və qidalandırıcı təsir göstərir: "Qarışım o qədər güclü təsirə malikdir ki, demək olar ki saç və baş dərisi ilə bağlı bütün problemləri aradan qaldırmaq gücünə malikdir. Qarışım saç tökülməsinin bütün formalarında, həm hissəvi, həm də diffuz tökülmə formalarında faydalıdır. Saçları olduqca yaxşı formada canlandırır. Yeni tökülmüş bütün saçları bərpa edir. Saçlarda göbələk və seboreyalar üçün çox faydalıdır"

İstifadə qaydası:

Qarışım gündə 1 dəfə saç diblərinə vurulur. 30 dəqiqə sonra adi ilıq su ilə yuyulur.

F.Hüseynov qeyd edib ki, arışımı vuran zaman qaşınma və qızartı olarsa, qarışıma qarşı allergiyanız var. Bu zaman istifadəni dayandırmaq lazımdır.

O, qarışımın boyun, diz və başqa oynaq ağrılarında da faydalı olduğunu bildirib.