4 ayını başa vurmuş körpələr nələri bacarmalıdır?

 

Aztibb.az N.Tusi adına Klinikanın məlumatına istinadla xəbər verir ki, dörd ayına çatmış uşaq, ilk növbədə başını sərbəst saxlamağı bacarmalıdır. Dəstək verdikdə bir neçə dəqiqə otura bilməli, qarnı üstə qoyduqda arxaya çevrilməlidir. Bu ayında uşaqlar ucadan, səsli  gülməyə başlayır. Əşyaları tutur və ağzına aparır.

 

Həmçinin qarnı üzərində uzatdıqda başını və sinəsini yuxarı qaldırır. Düz saxladıqda ayaqları ilə yuxarı itələnir.

 

4 aylıq uşaq aşağıda qeyd olunanları etmirsə bu, uşağın inkişafında hər hansı bir problemin olması anlamına gəlir və bu zaman həkim müayinəsindən keçməyə ehtiyac var:

 

- Başını sərbəst saxlamırsa;

- Adamlara gülümsəmirsə;

- Səslər çıxarmırsa;

- Hərəkət edən əşyaları izləmirsə.