Azərbaycan Respublikası Səhiyyə Nazirliyinin fəaliyyət istiqamətləri üzrə sosial şəbəkələrdən cari ilin iyul ayı ərzində 791 vətəndaş müraciəti cavablandırılıb.

Aztibb.az xəbər verir ki, Səhiyyə Nazirliyinin mətbuat xidmətindən verilən məlumata görə, müraciətlərdən 513-ü birbaşa cavablandırıldığı halda, 198-i yönləndirilib.

Məlumata əsasən, nazirliyə sosial şəbəkələrdən daxil olan müraciətlərdən 80-i “əsassız müraciət” kimi dəyərləndirilib.

Qeyd edək ki, vətəndaşlar sualları ilə bağlı Səhiyyə Nazirliyinin “Qaynar xətt” xidməti (9103) ilə də əlaqə saxlaya bilərlər.