Məlumdur ki, hamiləlik bütün qadınların həyatında ən həssas dönəmlərdən biridir. 9 ay ərzində sanki qadınların həyatı dəyişir. Dənizdə çimmək və üzmək da hamilələri narahat edən mövzulardan biridir.
Aztibb.az tibbi mənbələrə istinadla xəbər verir ki, hamiləlik zamanı erkən doğum riski, yaxud vaginal aktiv infeksiya yoxdursa, üzmək mümkündür.
Əksinə, üzmək hamiləlik dövründə ən yaxşı idman növlərindən biri sayılır. Bu zaman bütün əzələlər işləyir, həm ürək-qan dövranı sistemi, həm də sümük-əzələ sistemi tarazlıqda olur. Xüsusilə hamiləlik dövründə üzmək bel və bel ağrıları üçün faydalıdır.
Üzmək hamilələrdə ayaqlarda olan ödemi azaltmaqda da faydalıdır.
Üzərkən aşağıdakılara diqqət etməlidir:
- Hamilə qadının yanında mütləq kimsə olmalıdır (ani qıcolmalar baş verə bilər deyə).
- Sakit, nəzarətlə və yavaş-yavaş üzmək, ani tullanmalar, qəfil hərəkətlərdən çəkinmək lazımdır.
- Nəm paltarda uzun müddət qalmaq olmaz (infeksiya riski olmasın deyə).
- Uzun müddət günün altında qalmamaq, günəşdən qoruyucu kremləri hər 3-4 saatdan bir yeniləmək tövsiyə olunur.
- Bol maye içmək məsləhət görülür.