Həkim-nefroloq Barat Yusubov sosial şəbəkədə polikistik böyrək xəstəliyində əməliyyat ilə böyrək kistlərinin boşaldılması və ya xaric edilməsinin faydalı olub-olmayacağı məsələsinə toxunub.

Aztibb.az-ın məlumatına görə, həkim-nefroloq bildirib ki, polikistik böyrək xəstəliyin müalicəsi zamanı əməliyyatla kistlərin boşaldılması ən son müraciət edilən metoddur.

"Bu kimi əməliyyatlardan sonra kistlərin yenidən yaranması müşahidə edilməkdədir. Lakin çox nadir hallarda, kistlərin ölçüləri o qədər böyük olur ki, ətraf böyrək toxumalarına təzyiq göstərir. Digər halda isə, iltihablanan bir kist medikamentoz (dərman) müalicə ilə düzəlmirsə kistlər əməliyyatla boşaldıla bilər", - deyə B.Yusubov qeyd edib.