Qorxulu hekayələr "təhlükəsiz" adrenalindir. Adrenalin isə insana zövq verən hormonlardandır. Bu kimi filmləri izlədikdə stresli vəziyyətdən çıxış yolu olaraq, orqanizm əlavə endorfinlər və dopamin - xoşbəxtlik hormonları istehsal etməyə başlayır. Buna görə film bitdikdə və yenidən özümüzü evdə yumşaq bir divanda gördükdə, beyin bizi eyforiya hissi ilə mükafatlandırır. Bütün bunlarla birlikdə qorxu filmləri heç bir real təhlükə daşımır.
Qorxulu filmlər psixikamıza necə təsir göstərir?
Aztibb.az xəbər verir ki, bu filmlərə baxmaq müsbət hallardan daha çox mənfi hisslərə gətirərsə, ziyan edə bilər. Bu səbəbdən film mənfi təsir etdikdə onu dərhal söndürmək lazımdır. Çünki, stres hormonlarının həddindən artıq aktiv olması orqanizmə zərər yetirir. Qorxduğumuz zaman beynimiz dopamin və serotonin ifraz edir. Bu da psixologiyamıza mənfi təsir edir.
Lakin bütün bu mənfi cəhətlərə baxmayaraq, uydurulmuş qorxuları yaşayaraq çətin vəziyyətlərdən çıxış yolu axtarmağı, eyni zamanda qorxu hissindən uzaq olmağı öyrənirik. Bu baxımdan qorxulu filmləri izləmək, "ekspozisiya" deyilən psixoterapiya metodlarından birinə bənzəyir.