Rusiya Sənaye və Ticarət naziri Denis Manturov ilin sonuna qədər ayda 1,5-2 milyon doza koronavirus vaksini istehsal etməyi, istehsal həcmini tədricən 6 milyon dozayadək artırmağı planlaşdırdıqlarını söyləyib.

Aztibb.az-ın medimagazin.com.tr-ya istinadla verdiyi xəbərə görə, D.Manturov deyib ki, avqust ayının sonuna qədər təxminən 30 min doza peyvənd istehsal olunacaq: "Sentyabr ayından etibarən istehsal həcmini artıracağıq. İlin sonuna kimi ayda 1,5-2 milyon doza peyvənd istehsalına başlamalı, istehsal həcmini ayda 6 milyon dozaya qədər artırmalıyıq".

D.Manturov özünün də peyvənd olunacağını vurğulayıb.