Kirpik dibinin ikitərəfli iltihabı - Blefarit/Nə etməli?
22.07.2021 11:44
Blefarit - kirpik dibinin ikitərəfli residivləşən iltihabıdır. Patologiya göz qapaqlarının kənarlarının qızarması və şişkinliyi, ağırlıq hissi və qaşınma, parlaq işığa yüksək həssaslıq, gözlərin tez yorulması, kirpiklərin anomal böyüməsi və tökülməsi ilə təzahür edir.
 
Aztibb.az tibbi mənbələrə istinadla xəbər verir ki, blefaritin diaqnostikası xarici baxış, görmə itiliyinin təyini, biomikroskopiya, bakteriolofi əkilmə, kirpiklərin demodoksə görə analizinə əsaslanır. Müalicə konservativ tədbirlərdən (göz qapaqlarının gigiyenası, göz damcıları və məlhəmlərdən istifadə və s.) ibarət olub, xəstəliyin səbəblərinin aradan qaldırılmasına yönəldilir.
 
Ən sıx rast gəlinən blefarit növündə göz qapaqlarında qızartı və şişlik, kirpik diblərində isə qabıqlanma müşahidə olunur. Bu qabıqlar qalınlaşdıqca çapıq meydana gəlir və səhərlər göz qapaqlarının bir-birinə yapışması müşahidə olunur. Əgər müalicə edilməzsə, bu vəziyyət daha da pisləşir və gözün digər hissələrinə yayılaraq ciddi bir vəziyyətin ortaya çıxmasına səbəb olur. Bakteriya göz qapağını infeksiyalaşdıra və kiçik qabıqlı yaralar meydana gətirə bilər ki, bu da kirpiklərin tökülməsinə səbəb olar.
 
Blefaritin bəzi növləri tamamilə müalicəyə tabe olmur, lakin böyük əksəriyyətinin müalicəsi mümkündür. Bu problemin idarə edilə bilmə nisbəti həm blefarit növünə, həm də vəziyyətin nə dərəcə ciddi olduğuna bağlıdır. Göz sağlamlığı üçün blefaritli nahiyəni təmiz tutmaq və fərdi gigiyenaya diqqət etmək son dərəcə əhəmiyyətlidir. Bunun üçün ilıq və ya yaş kompreslə qabıqlar yumşaldılmalıdır. Yaxud kiçik və təmiz bir dəsmal isti suyla isladılıb sıxıldıqdan sonra 5-10 dəqiqə göz qapaqlarının üzərində tutulmalıdır.
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!