Aztibb.az tibbi mənbələrə istinadla xəbər verir ki, blefaritin diaqnostikası xarici baxış, görmə itiliyinin təyini, biomikroskopiya, bakteriolofi əkilmə, kirpiklərin demodoksə görə analizinə əsaslanır. Müalicə konservativ tədbirlərdən (göz qapaqlarının gigiyenası, göz damcıları və məlhəmlərdən istifadə, göz qapaqlarının masalı və s.) ibarət olub, xəstəliyin səbəblərinin aradan qaldırılmasına yönəldilir.

 

Ən sıx rast gəlinən blefarit növündə göz qapaqlarında qızartı və şişlik, kirpik diblərində isə qabıqlanma görülər. Bu qabıqlar qalınlaşdıqca çapıq meydana gəlir və səhərlər göz qapaqlarının bir-birinə yapışması müşahidə olunur. Əgər müalicə edilməzsə, bu vəziyyət daha da pisləşir və gözün digər hissələrinə yayılaraq daha ciddi bir vəziyyətin ortaya çıxır. Bakteriya göz qapağını infeksiyalaşdıra və kiçik qabıqlı yaralar meydana gətirə bilər ki, bu da kirpiklərin tökülməsinə səbəb olar.

 

Blefaritin bəzi növləri tamamilə müalicəyə tabe olmur, lakin böyük əksəriyyətinin müalicəsi mümkündür. Bu problemin idarə edilə bilmə nisbəti həm blefarit növünə həm vəziyyətin nə dərəcə ciddi olduğuna bağlıdır. Göz sağlamlığı üçün blefaritli nahiyəni təmiz tutmaq və fərdi gigiyenaya diqqət etmək son dərəcə əhəmiyyətlidir. Bunun üçün ilıq və ya yaş kompreslə qabıqlar yumşaldılmalıdır. Yaxud kiçik və təmiz bir dəsmal isti suyla isladılıb sıxıldıqdan sonra 5-10 dəqiqə göz qapaqlarının üzərində tutulmalıdır.