Aztibb.az xəbər verir ki, pediatr-neanotoloq Nurəngiz Hacıyeva sosial şəbəkədə uşaqlarda iməkləmənin önəmi barədə paylaşım edib.

 

1) Sümük-əzələ sistemini möhkəmləndirir. Xüsusən qol, ayaq, qarın və çanaq əzələlərinin daha qüvvətli edir. Uşaq ayağı sağrıdan hərəkət etdirməyə, sağ ayaqla sol ayağı növbələşdirməyə başlayır. Onurğanın rotasion hərəkətləri formalaşır.

 

2) Müvazinəti saxlamaqda kömək edir.

 

3) Beyin və neyronal inkişafa təsir edir. İməklədikdə uşaqların əlləri və ayaqları çarpaz hərəkət edir. Buna gorə də hər iki beyin kürəsi aktivləşir və sinir hüceyrələrinin inkişafı sürətlənir. Uşaq öz hərəkətlərini balanslaşdırmağa və koordinasiya etməyi öyrənir, bu isə əzələ ilə yanaşı beyinin inkişafına təkan olur.

 

4) Görmə qabiliyyəti formalaşır. Bunun fonunda binokulyar görmə yaxşılaşır və gələcəkdə yaxşı oxumağa və yazmağa kömək edir. Əl və göz koordinasiyasını gücləndirir.

 

5) İməkləmə zamanı bütün ağırlığın qollarda və topuqda olması uşaqlarda incə motorikanı gücləndirir. Gələcəkdə topuq oynaqlarını bədənin ağırlığını saxlamağa hazırlayır.

 

6) Araşdırmalara görə, iməkləyən usaqlar iməkləməyənə nisbətən oxuma və yazmada, inkişafda daha aktiv olur. Səbəb isə çarpaz hərəkətlər sayəsində beyinin hər iki yarımkürəsinin birgə fəaliyətidir.

 

7) Uşaq həzz yaşayır, istədiyi əşyaya doğru hərəkət edir. Bu, uşağın gələcək inkişafı üçün çox güclü motivasiyadır. Öz gücünə əminlik və məqsədyönlük yaradır.

 

Həkim uşaqların fəqli olduğunu, bəzilərinin iməkləmədən gəzməyə başladıqlarını da əlavə edib.