Üzüm beyin, ürək, dəri və sağlam çəkinin qorunub saxlanılması üçün faydalıdır. Meyvədə bol miqdarda antioksidant, həmçinin vitaminlər və minerallar mövcuddur. Üzüm atışdırmalıq və salat üçün inqrediyent kimi mükəmməl vasitədir. Bundan başqa, onun iki əlavə faydalı üstünlüyü də var.

Aztibb.az medikforum.ru saytına istinadən həmin üstünlükləri təqdim edir:

Yuxunun yaxşılaşması

Üzümün yatmazdan əvvəl az miqdarda istifadəsi gecə daha möhkəm yuxuya kömək edəcək. Üzüm yuxu hormonu hesab olunan melatoninin təbii mənbəyidir.

Bağırsaqların sağlamlığı

2009-cu ildə aparılan pilot tədqiqat zamanı yoğun bağırsaq xərçəngi olan insanlara iki həftə ərzində hər gün üzüm yemək məsləhət görülmüşdü. Tədqiqatın nəticələrinə görə, alimlər aşkar ediblər ki, üzümün istehlakı yoğun bağırsaqda şişlərin artmasına məsul olan müəyyən genlərin ekspressiyasını aşağı salır. Bu tədqiqat üzümün xərçəngi müalicə etdiyini nəzərdə tutmasa da, onun istifadəsi pasiyentlərin sağlamlığına müsbət təsir edə bilər.