Bu barədə həkim-pediatr Aytən İsmayılzadə sosial şəbəkədə məlumat paylaşıb:

 

"Niyə diş çıxmazdan aylarla əvvəl onun yeri qaşınır. Olmazmı elə diş birbaşa çıxsın, uşağın da bundan xəbəri olmasın? Deməli, olmaz. İlk dişçıxma prosesində hansı hislərin baş verdiyini heç kim deyə bilməz. Çünki o, həyatın elə dövründə olur ki, uşaq nə danışa bilir, nə də danışanda xatırlaya bilir. 

 

Lakin ehtimal edirik ki, uşaqda narahatedici bir hal baş verir. Valideynlər də onun tez rahat olmasına çalışır. Dişin yeri ona görə qaşınır ki, uşaq onu qaşısın, nə iləsə sürtsün, nəyisə damağı ilə çeynəsin. Belə olanda damaqda qan dövranı güclənir, dişin çıxması üçün hazırlanır. Həm də bu narahatlıq uşağın özünün orqanizminin endorfinləri hesabına öhdəsindən gələ biləcəyi bir vəziyyətdir. Çunki hələ qarşıda çox narahatlıqlar olacaq. Bütün baş verəcək dəyişikliklərə orqanizm hazır olmalıdır. Diş çıxana aylar qalmış diş yeri qaşınmağa başlayır. Bütün bu dövrdə biz keyləşdirici gellərdən istifadə edə bilmərik. Ümumiyyətlə, onlar valideynlərin sakit olması üçün istehsal olunub.

 

Binti azca nəm edib dondurucuda soyudub, barmağınıza dolayın, uşağın damağına sürtərək yumşaq masaj edin. Bu zaman soyuq həm keyidici təsir edəcək, həm də qan dövranı aktivləşəcək".