Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının şöbə müdiri, tibb elmləri doktoru Nuran Abdullayevin COVID-19-la bağlı növbəti elmi tədqiqatı son illər elmi arenada xüsusi nüfuz qazanmış "PlosOne" jurnalında çapa qəbul edilib. 

Aztibb.az xəbər verir ki, N.Abdullayevin ideya müəllifi olduğu tədqiqatda ürəyin koronar (tac) arteriyalarının kirəcləşməsinin/kalsifikasiyasının COVID-19-un ağır kliniki gedişatındakı vacib rolu sübut edilir.

N.Abdullayev "Coronary artery calcification on low-dose chest CT is an early predictor of severe progression of COVID-19 – a multi-center, multi-vendor study" adlı tədqiqat işinin COVID-19-da süni intellektin rolunu göstərən digər layihəsinin tətbiqini daha da tezləşdirəcəyini bildirib.