Ağrı sindromlarından biri olan fibromialgiya diffuz, simmetrik əzələ-sümük-oynaq ağrılarıdır.

Aztibb.az xəbər verir ki, fibromialgiyanın simptomları aşağıdakılardır:

– Yandırıcı, sızlayıcı irradiasiya edən ağrılar;
– Yuxu pozğunluğu – xəstənin tez-tez yuxudan oyanması və oyanıq yatması;
– Əhval-ruhiyyənin tez-tez dəyişməsi;
– Daimi yorğunluq hissi;
– Müvazinətin itirilməsi;
– Psixosamatik simtomlar – mədə-bagırsağın pozulması, tez-tez sidiyə getmə, ginekoloji problemlər;
– Ödəmə meyillilik;
– Depressiya;
– Ümumi keyləşmə hissi;
– Əsəbilik;
– Gərginlik;
– Baş, boyun, bel ağrıları;
– Ağrıların 3 aydan artıq olması

Fibromialgiyalı xəstələr sağlamlığına çox vaxt ayırmalı, tez-tez istirahət etməlidirlər. Buna görə aşağıdakılara diqqət yetirmək vacibdir:

– Yüngül və sağlam qidalanmalı
– Hava şəraitinə uygun geyinməli
– Havası ağır olan gərginlik yaradan yerlərdən uzaq durmalı
– Həftədə bir neçə gün idmanla məşğul olmalı
– Yatmazdan əvvəl çay, kofe, kola kimi içkilərdən uzaq durmalı
– Fibromialgiyanın əsas səbəblərindən biri yuxu pozğunluğu olduğundan yuxu rejiminə xüsusi diqqət olunmalıdır.