Azərbaycan Tibb Universitetinin (ATU) Tədris Terapevtik Klinikasında Tibbi Şuranın yekun iclası keçirilib. Toplantıda klinikanın iyun ayı üçün fəaliyyəti qiymətləndirilib və qarşıdakı dövr üçün vəzifələri müzakirə olunub.

 

Klinika direktorunun müalicə işləri üzrə müavini Fəridə Hacıyeva iyun ayı ərzində ambulator və stasionar xəstə qəbulu, müəssisənin tibbi fəaliyyəti barədə ümumi məlumat verib.

 

Daha sonra çıxış edən klinikanın direktoru, professor Surxay Musayev klinikada işin təşkili, qarşıda duran məsələlərdən danışıb. O, iyulun 12-dən etibarən kafedralarda məzuniyyətin başlayacağını, bununla yanaşı, klinikanın fəaliyyətini davam etdirəcəyini vurğulayıb. Həmçinin yay mövsümü ilə əlaqədar olaraq klinikada bəzi təmir işlərinə başlanılacağını qeyd edib.

 

Toplantıya bir sıra cari məsələlərin müzakirəsi ilə yekun vurulub.