"American Journal of Obstetrics & Gynecology"də dərc edilmiş tədqiqata əsasən, oral kontraseptivlərdən istifadə BRCA mutasiyasının daşıyıcıları olan insanlarda yumurtalıqların xərçəngi riskinin azalmasına səbəb olur.

Aztibb.az medikforum.ru-ya istinadən xəbər verir ki, Niderland İnstitutundan Lieske X. Şrayver və onun həmkarları oral kontraseptivlərdən istifadənin müxtəlif xarakteristikalarını və BRCA1 və BRCA2 mutasiyalarının daşıyıcıları olan 6 min insan arasında yumurtalıqların xərçəngi riskinin korrelyasiyasını tədqiq ediblər.

Tədqiqatçılar aşkar ediblər ki, yumurtalıqların xərçəngi diaqnozu qoyulmuş mutasiya daşıyıcıları sağlam daşıyıcılarla müqayisədə, oral kontraseptivlərdən daha az istifadə ediblər. Yumurtalıqların xərçəngi inkişaf edən BRCA1 və BRCA2 daşıyıcılarında oral kontraseptivlərdən istifadənin orta müddəti onlardan doqquz və səkkiz il istifadə edən sağlam daşıyıcılarla müqayisədə, 7 il təşkil edib.

Nəticələrə əsasən, hamiləliyin qarşısını alan həblərin daha uzun müddətli istifadəsi BRCA1 mutasiyalı insanlar üçün yumurtalıqların xərçəngi riskinin azalmasına səbəb olub.